|
|
JEUGDPRINS 2019 - DIEGO I
|
|
|
Proklamasie Van Ziene Dorslustige Hoogheid Jeugdprins Diego I
Mit aajers oet ‘t Wateratte riek, gebaore in ‘t Moezeriek en wonend in het Kwekkerte-riek van Lin, bön ich Diego de Eerste neet geheel ònbekindj hiej in Ool.
Saame mit mien piloote bön ich hiej op “Kresj-air” Ool gelandj biej de Lange en Renée.
Zien adjudante: Tom, Mick en Hamza
Gegaeve op zaoterdig 5 jannewari 2019 Ònger ‘t biej-zeen van Prezident Frans, Kanseleer Ger, Vors Huub, Ziene Dorslustige Hoogheid Mike I en zien adjudante, mien adjudante Tom, Mick en Hamza. De Raod van Ellef, de Jeugraod en de Dansgardes Make veer uch bekintj dèt:
1. Ich gebaore bön op 6 december, mer geine sinterklaos bön!
2. Dèt om 11 op 11 woor, en dus èch rood / gael / greun blood höb, net wiej mien Mam en Pap.
3. Mien oma mich mit naom nao de kinjermiddig, en mich op t buffet zat, zodat ich alles good kòs zeen.
4. Meziek maake mien hobby is, mer mit dees daag de träöt in de gäöt ligk.
5. Ich es sjooleprins al geoefendj höb, en dèt ich ouch nog ooit grote prins wil waere.
6. Miene pap in 1986 ouch Jubiléjum prins waar; 3 x 11.
7. Ich neet allein op t nèt doot surfe, mer auch hiej in Ool oppe pool.
8. Ze in Lin dit jaor eine kortere optoch zulle höbbe.
9. Mien adjudante, mien beste vrunj zeen.
10. Die mich es piloote gaer door de vastelaovesTIED helpe vleege.
11. Veer mit zien alle saame deze vastelaovendj, de loch rood-gael-greun gaon kleure.
Det ich uch veur gaon mit mien liefsjpreuk: "VEER VLEEGE D’R TÖSSE OET!"
|
|
|
