|
|
PRINSEN - 1994/1995 - HEIN I
|
|
|
Proklamasie Van Ziene Dorslustige Hoogheid - Prins Hein I
Veer, Hein den eerste prins van Ool biej de grasie van de Watterratte.
Gebaore en getaoge in Remunj mer pas gaon leave in Ool.
Es aajste zoon van de heks Hiacinthe oet Sjinderhannes
Wonende op de Kleine Kemp mit permissie van Jaques Herb
gaeve te kinne en te versjtaon:
1. Det geer auch nao de vastenlaovend môt blieve lache;
2. Det gooi zin aeve duur is es sjlechte zin;
3. Det Ool Ool blief, zo wie zo;
4. Det de Vastelaovendj in de klein dörpskerne nach puur natuur is;
5. Det 't veur detse 't wits Paose is;
6. Det volges Jaques Herb eine man neet moog janke;
7. Det waat in Ool kint se nörges heurs;
8. Det se baeter eine maeter beer in hoes kins höbbe es eine maeter water;
9. Det de Kleine Kemp get speciaals is;
10. Det esse mit de Vastelaovendj op vakansie geis se baeter kins verhoeze;
11. Det eine miens gelök mot höbbe en ein koe huij.
Dèt alles ônger ôze liefsjpreuk:
"Es 't kump dan kump 't"
|
|
|
